ỤBỌCHỊ ONYENWEANYỊ IV

Missa

MMALITE EKPERE YUKARỊSTỊA

ỤBỌCHỊ ONYENWEANYỊ IV

AKỤKỌ NZỌPỤTA

A na-ekpe nke a n'ụbọchị Sọndee niile na-adanyeghị n'oge emume pụrụ iche dị n'afọ.

V. Onyenweanyị nọnyere ụnụ.

R. Nọnyekwara mmụọ gị.

V. Welite nụ obi ụnụ elu.

R. Anyị ewelitela ha n'ebe Dinwenụ nọ.

V. Ka anyị nye nụ Dinwenụ Chukwu anyị ekele.

R. O kwesịrị, bụrụkwa ihe ziri ezi.

O kwesịrị ezie, bụrụkwa ihe ziri ezi, ọrụ dịịrị anyị,

na nzọpụta anyị,

na anyị ga-enye Gị ekele, oge niile,

na ebe niile, Dinwenụ, O Nna dị Nsọ,

Chineke ji ike niile, Onye dị ụwatụụwa,

site na Kristi Dinwenụ anyị.

N'ihi na, Ya onwe Ya sitere n'ọmụmụ Ya

mee ka ọnọdụ ochie mmadụ dị ọhụrụ;

site n'ahụhụ Ya hichapụ njọ anyị ;

site na mbilitenọnwụ Ya,

O mere ka ụzọ ndụ ebighịebi rute anyị aka;

sitekwa n'ịlaghachikwute Gị, Nna,

Ọ kwaghepụrụ ọnụụzọ eluigwe.

N'ihi nke a,

Anyị na-eso ndị Mmụọọma na igwe ndị Nsọ

na-ekwere Gị ukwe otito ebighịebi,na-asị :

Nsọ, Nsọ, Nsọ Oseburụwa Chineke nke igwe ndị agha...