IHE ỌGỤGỤ NKE MBỤ: Ez 47: 19, 12  
Ihe Ọgụgụ e wetara n’Akwụkwọ Izikel

Nwoke ahụ wee kpochapụkwa m azụ n'onụ ụzọ ụlọ nso; ma lee, mmiri si n'okpuru ụlọ nso ahụ agbapụta, naasọda ụzọ ọwụwa anyanwụ ụlọ ahụ (maka na ụlọ nso ahụ chere ọwụwa anyanwụ ihu). Mmiri si n'okpuru aka nri ụlọ nso ahụ asọda na ndida ebe ịchụaja. Ọ sikwara n'onụ ụzọ ámá nke dị na mgbago ugwu duputa m, dughachikwa m okirikiri n'ezi ruo n'ọkpụkpọ ama nke mpụta nke chere ihu n'ọwụwa anyanwụ ebe mmiri ahụ si na ndida ugwu naasopụta.Nwoke ahụ jiri osisi ntu ya tụpụta narị mita ise n'akụkụ ọwụwa anyanwụ, mee ka m gafee ya. Mmiri ahụ ruru n'ikere ụkwụ m. Ọzọkwa, o kewapụtara narị mita ise, duru m gafee ya, o rute m n'íkerè ụkwụ. Ọzọkwa, o kewapụtara narị mita ise, sịkwa na mmiri ahụ duputa m, mmiri ahụ wee rute m n'ukwu. Ọzọkwa, o kewapụtara narị mita ise, ọ bụzi nnukwu mmiri nke m enweghị ike igafe n'ime ya n'ihi na o ruoala mmiri a gaegwu egwu, e nwekwara ike igafe na ya.O jụkwara m sị: "Nwa nke mmadụ, ị hụla ihe ndị a?" Ọ sikwara n'ikpere mmiri ahụ dughachi m azụ. Mgbe m naalaghachi azụ, ahụrụ m ọtụtụ osisi n'akụkụ abụọ mmiri ahụ. O gwara m sị, "Mmiri a si n'ọwụwa anyanwụ asọda naagbada na Araba; mana mgbe ọ banyere na mmiri ahụ naagbanwe dị mma. Ebe ọ bula mmiri ahụ gara, ihe ọ bula e kere eke naegwu mmiri dị na ya gaadi ndu, a gaenwe ọtụtụ azụ maka na mmiri a naabanye ebe ahụ ka mmiri osimiri dịkwa ọhụrụ, ya bụ na ihe ọ bula dị na ya gaadi ndu ebe ọ bula mmiri ahụ sogara.N'akụkụ abụọ nke ikpere mmiri ahụ, ọtụtụ osisi dị iche iche a naeri eri gaeto. Akwụkwọ ha agaghị akpọtụ akpọtụ, nke mkpụrụ gaako ha n'elu; ma ha ga naami mkpụrụ ọhụụ ọnwa ọ bula maka na mmiri ha ji eto si n'ebe dị nso agbapụta. A gaeji mkpụrụ ha eme ihe oriri werekwa akwụkwọ ha agwọ ọrịa."

Okwu nke Oseburuwa
A. Eneke dịrị Chukwu

ABỤỌMA NA AZỊZA YA : Ps 46: 23, 56, 89  
Azịza: Oseburuwa nke igwe ndị agha nọnyere anyị. Chineke nke Jekob bụ ebe mgbaba anyị.

1. Chineke bụ ebe mgbaba anyị na ike anyị,
onye dị nkwadobe oge niile inye anyị aka n'oge nsogbu. Ya mere,
anyị agaghị atụ egwu, ọ bụladị na ụwa anọrọ n'ọgbaaghara,
ma ọ bụ elu ugwu niile atughachịrị daba n'ime osimiri.  
Azịza: Oseburuwa nke igwe ndị agha nọnyere anyị. Chineke nke Jekob bụ ebe mgbaba anyị.

2. E nwere otu iyi nke mmiri ya naeweta ụtọ n'obodo nke Chineke,
o naemekwa ka ebe obibi onye kacha elu dị asọ.
Chineke bi n'ime ya, Ọ gaghi ada,
Chineke gaenye ya aka na chi obubu.  
Azịza: Oseburuwa nke igwe ndị agha nọnyere anyị. Chineke nke Jekob bụ ebe mgbaba anyị.

3. Oseburuwa nke igwe ndị agha nọnyere anyị,
Chineke nke Jekob bụ ebe mgbaba anyị! Bịa,
tụgharịa uche n'ọrụ ebube nke Oseburuwa,
ọrụ ịhụnanya nke o rụrụ n'ụwa.  
Azịza: Oseburuwa nke igwe ndị agha nọnyere anyị. Chineke nke Jekob bụ ebe mgbaba anyị.

Mbeku: 
Alleluia, Alleluia:
Ana m eche Onyenweanyi,
mkpụrụ obi m naeche ya,
na nkwa ya ka m nwere nchekwube.
N'ihi na ịhụnanya Onyenweanyi dị okpu,
n'ime ya ka nnukwu nzọpụta dị.

Alleluia

OZIỌMA : Jn 5: 116  
Ihe Ọgụgụ nke a si n’Oziọma dị asọ nke Jon dere

Mgbe ihe ndị a gachara, otu emume ndị Juu ruru, Jesu wee gaa Jerusalem. Otu ọdọ mmiri nta nke nwere ulojba ise dị na Jerusalem. Ọdọ mmiri ahụ dị n'akụkụ ọnụ ụzọ e si achibata atụrụ. A naakpọ ọdọ mmiri ahụ Betzata, n'asụsụ Hibru. N'ime ulojba ndị a ka igwe ndị ọrịa naedina: ndị isi, ndị ngwụrụ, na ndị aka na ụkwụ ha kpụkwara akpụ. Otu nwoke nọ n'ebe ahụ, onye nọ n'ọrịa kemgbe iri afọ atọ na asatọ. Mgbe Jesu hụrụ ya ka ọ dina n'akwa ma hụ na o noola n'ọrịa ogologo oge, o siri ya, "Ị chọrọ ka m gwoo gị?" Onye ọrịa ahụ zara sị, "Nnamukwu, enweghi m onye gaatuba m n'ọdọ mmiri mgbe a gbagharịrị ya. N'ihi nke a, tupu m bịa ruo oge ọ bụla, onye ọzọ naeburu m ụzọ abanye na mmiri." Jesu gwara ya sị, "Bilie, were ákwàute gị gaa." Ngwa ngwa ahụ dịrị nwoke ahụ mma. O biliri, chiri ákwàute ya gaa ije. Ụbọchị ahụ bụ ụbọchị izu ike. Ndị Juu gwara nwoke ahụ a gwọọrọ ọrịa sị, "Taa bụ ụbọchị izu ike, ọ megidere iwu gị iburu ákwàute gị." O zara ha sị, "Onye ahụ gwọọrọ m gwara m sị, 'Were ákwàute gị gaa.'"Ha jụrụ ya sị, "Onye bụ onye ahụ sịrị gị, 'Were ákwàute gị gaa'?" Nwoke ahụ a gwọọrọ ọrịa amaghị onye ọ bụ, n'ihi na Jesu esila n'ebe ahụ pụọ maka na oke igwe mmadụ nọ n'ebe ahụ. Mgbe ihe ndị a gachara, Jesu hụrụ nwoke ahụ n'ụlọ nso wee gwa ya sị, "Lee, ahụ adịla gị mma. Emechiekwala ọzọ, ka ihe ọbụla ọzọ ajọ karịa enweghị ike adị gị." Mgbe ahụ, nwoke ahụ pụtara gwa ndị Juu na ọ bụ Jesu gwọọrọ ya. N'ihi nke a, ndị Juu malitere isogbu Jesu, maka na o gwọrọ ọrịa n'ụbọchị izu ike.

Oziọma nke Oseburuwa
A. Ekene dịrị Chukwu