IHE ỌGỤGỤ NKE MBỤ: Dt 4:1.5-9  
Ihe Ọgụgụ e wetara n’Akwụkwọ Ditronomi

Mgbe ahụ, Mosis gwara ụmụ Izrel si, "Dobenu iwu niile m na-akụziri unu. Unu ga-adikwa ndu biri n'ala ahụ Yahweh, bụ Chineke nna unu, na-enye unu. Akụziri m unu iwu ahụ niile, dịka Yahweh, bụ Chineke m, gwara m ka m mee. Dobenu ha mgbe unu ruru n'ala ahụ unu ga-abanye, ibiri n'ime ya. Werenu ikwesi ntukwasi obi dobe ha. Nke a ga-egosi mba dị iche iche na unu ma ihe. Mgbe ha nuru ihe banyere iwu a niile, ha ga-asi, ‘Leekwanu ụdị amamihe na nghọta mba ukwu nke a nwere!’  "N'eziokwu, o nweghi nnukwu mba ọzọ chi ha nọ nso dịka Oseburuwa, bụ Chineke anyị si nọrọ anyị nso mgbe ọ bụla anyị kpọụrụ ya. O nwekwara nnukwu mba ọ bụla nke iwu niile na-achị ha ziri ezi, dịka iwu ndị a m kuziiri unu taa!  "Ya mere, kpachara anya! Hukwanu na ndu unu niile, unu echefughị ihe ndị a unu jiri anya unu hụ. Kooronu ụmụ unu na ụmụ ụmụọrụ unu."  

Okwu nke Oseburuwa
A. Eneke dịrị Chukwu

ABỤỌMA NA AZỊZA YA: Ps 147:12-13. 15-16. 19-20  
Azịza: Jerusalem too, Onyenweanyi,  

1, Jerusalem too, Onyenweanyi,  
Zayon too, Chineke gi,  
n'ihi na ọ bụ ya mere onụ̀zo amagi.  
niile ka ha sie ike,  o na-agozi ụmụ gị niile.
Azịza: Jerusalem too, Onyenweanyi,  

2. O na-etiri ụwa iwu, okwu ya àgazuo ụwa nile ọsọ- ọsọ
O na-atusa mkpuru mmiri ọcha n'ala dị ka ute,
na-efesasi igirigi dị ka ntu.  
Azịza: Jerusalem too, Onyenweanyi,  

3. O na-ekpughere ụmụ Jekob okwu ya,    
Na-egosikwa ụmụ Izrel iwu ya na ikpe ya.  
O naghi emere mba ndị ọzọ otu a,  
Ọ naghi akuziri ha iwu ya.  
Azịza: Jerusalem too, Onyenweanyi,  

Mbeku:
Alleluia, Alleluia:

O bụghị naanị site na nri ka mmadụ si adị ndụ,
kama site n'okwu ọbụla nke si n’ọnụ Chineke pụta.  

Alleluia

OZIỌMA : Mt 5:17-19  
Ihe Ọgụgụ nke a si n’Oziọma dị asọ nke Matiu dere

Jesu gwara ndị na-eso ụzọ ya si: "Unu echekwala na m biara imebi iwu Mosis na nkuzi ndị amụma. Abịaghị m imebi ha; kama abịara m imejuputa ha.  "N’eziokwu, agwa m unu, ruo mgbe eluigwe na ala ga-agabiga, ọ dịghị otu ihe ọbụla dị nta, ọ bụladị nke dikarichara nta, nke a ga-esi n’iwu Chineke wepụ ruo mgbe e mezuru ha niile.  "Ya bụ, onye ọbụla ga-emebi otu n’ime iwu ndị a, ọ bụladị nke dikarichara nta, ma kuzikwaara ndị mmadụ ime otu ahụ, ga-abụ onye dikarichara nta n’alaeze eluigwe.  "Ma onye ọbụla na-edobe ha, ma na-akuzikwa ha, ga-abụ nnukwu mmadụ n’alaeze eluigwe."  

Oziọma nke Oseburuwa
A. Ekene dịrị Chukwu