IHE ỌGỤGỤ NKE MBỤ : Gn 2: 4b-9. 15-17
Ihe Ọgụgụ e wetara n’Akwụkwọ Genesis 

N'oge ahụ, mgbe Yahweh Chineke kechara Eluigwe na uwa, e nweghi nnukwu oke ohịa ọ bụla n'elu uwa, nke a na-enwe nnukwu oke osisi toliterenu, n'ihina Ọsebụrụwa Chineke ezitebeghị mmiri ozuzo n'elu uwa, nke a na-enwe mmadụ nwere ike ịkọ ihe ubi n'oge ahụ. Kama mmiri si n'ime ala ahu na-agba puta wee gbasaa n'elu ala ahu niile. Yahweh Chineke abịakwara si n'ụrọ ala ahu kpụo mmadụ, wee funye ikuku ndu n'imi ya; mmadụ ahu wee ghoo onye dị ndu. Yahweh Chineke wuru ogige n'Eden, nke dị n'ofe ọdịda anyanwụ; ọ bụ n'ebe ahụ ka ọ mere ebe obibi mmadụ ahu ọ kpụọrọ. Yahweh Chineke mere ka osisi dị iche iche dị mma ile anya ma dịkwa mma oriri si n'ụrọ ala ahu pụta; o mere ka osisi nke na-enye ndụ nakwa osisi nke ịmata ihe ọma na nke ọjọọ dịrị n'etiti ogige ahu. Yahweh Chineke kpọrọ mmadụ ahu bia nye ya ebe obibi n'ogige nke Eden ka ọ na-etize ala ya, nakwa echekwa ya. E mechara Yahweh Chineke enye nwoke ahu iwu si, “Ị nwere ike iri mkpụrụ osisi niile dị n'ogige a. Ma ị gaghị ata mkpụrụ nke osisi nke na-enye amamihe ihe ọma na nke ọjọọ, n'ihi na ubochi ị tara ya, ị ga-anwụ."

Okwu nke Oseburuwa
A. Eneke dịrị Chukwu

ABỤỌMA NA AZỊZA YA : Ps 104: 1-2a. 27-28. 29bc-30 
Azịza : Gozie Onye-nwe-anyi, mkpụrụ obi m.  

1. Gozie Onye-nwe-anyi, mkpụrụ obi m, Onye-nwe-anyi Chineke, lee ka i si dị ukwuu!  
I juputara n'ebube na otito, I ji ihe ekpuchi onwe gi dịka akwa.  
Azịza : Gozie Onye-nwe-anyi, mkpụrụ obi m.  

2. Ihe niile e kere eke na-echere gị ka i zuo ha nri n'oge zuru ezu.  
Ị na-eweta nri ha na-eri, i ji obiọma gị enye jucha ha afọ.  
Azịza : Gozie Onye-nwe-anyi, mkpụrụ obi m.   

3. Ị kwụsịrị ha iku ume, ha anwụo ma laghachikwa na-etuto.  
Mana mgbe i nyere ha ikuku, ndụ ohuru bidoro; i na-eme uwa ka o di ohuru.  
Azịza : Gozie Onye-nwe-anyi, mkpụrụ obi m.  

Mbeku:

Alleluia, Alleluia:
 Onye-nwe-anyi, mee ka m mata uzo gi, dube m n'uzo eziokwu gi. 

Alleluia 

OZIỌMA : Mk 7: 14-23  
Ihe Ọgụgụ nke a si n’Oziọma dị asọ nke Mak dere

Jesu kpọrọ igwe mmadụ ahụ ọzọ ka ha bịa n'azu ya. Ọ sịrị ha, “Gee nu m nti, unu niile, ghotakwanu ihe m ga-ekwu! Ọ naghị enwe ihe ọ bụla si n'ọpụpụ banye n'ime mmadụ na-eme ka ọ bụrụ ihe na-emeru mmadụ. Kama ọ bụ ihe na-esi n'ime mmadụ pụta na-eme ka mmadụ bụrụ ihe na-emeru. Onye nwere nti ya nuru.”  
Mgbe Jesu hapụrụ igwe mmadụ ahụ banye n'ụlọ, ndị na-eso ụzọ ya jụrụ ya ihe okwu ahụ pụtara. Ọ jụrụ sị, “Ọ bụ na unu enwekwaghị nghọta? Ọ pụtara na unu amachaghị na ihe ọ bụla si n'ọpụpụ banye n'ime mmadụ apụghị imerụ ya? N'ihi na ihe oriri adịghị abanye n'obi mmadụ kama n'afọ. Ọ na-esi ebe ahụ pụta.” Site n'ikwu otu a, ọ mere ka ihe oriri niile dị ọcha. Ọ kwukwara sị, “Ihe na-emeru mmadụ bụ ihe si n'ime mmadụ pụta. N'ihi na site n'ime mmadụ, ya bụ site n'ime obi, ka echiche ọjọọ nke na-eduga mmadụ n'omume ruru aru, si aputa, ya na ịkwa iko, izu ohi, igbu mmadụ, ikporo nwunye mmadụ ma ọ bụ di mmadụ, obi ọjọọ na arụrụ ala, nghọta, asọghị anya, anya ụfụ, nkwulu, mpako, enweghi uche ime ihe ziri ezi na ịghọta ihe nke mmụọ. Omume ọjọọ ndị a na-esi n'ime mmadụ pụta. Ọ bụ ha na-emerụ mmadụ."

Oziọma nke Oseburuwa
A. Ekene dịrị Chukwu