MAK’IFE ONYE OTU-KRISTI G’EME KWADA

546.     Kedu k’ig’esi n’ebido ụbọsị?

            Ka m’gesi n’ebido ụbọsị bụ siten’ime akala nk’obe ma m’teterafụ n’ụtụtụ, sit’azịna ịyọ nwantịntị ayịyọ dịka nke nụnwa: O Chukwu nkem enyem Ị obi m na nkpụlobi m.

547.     Kedu k’ị g’esi n’ekunịdu n’ụtụtụ?

            M kunie n’ụtụtụ edozie m akwa m ọfụma, sekpulu yọ ayịyọ ụtụtụ m.

548.     Ị ga n’anụazị Mass m’ịfụ efe ya ka?

            Aga m eje Mass ma m fụ efe ya makan’ ịnụ Mass kacha sị mma, n’aba narị n’ife.

549.     Anyi g’an’agụdụ akwụkwọ dị mma ugbol’ugbolu ka?

            Anyị g’an’agụ akwụkwọ dị mma ugbol’ugbolu, dịka Ozi-oma dị asọ, na ndụ Ndị dị asọ.

550.     Kedu’ife ịg’an eme dịka n’ili  ife, n’Ịla ife, n’Ịla ụla n’igwu egwu?

            Ọ bụlụ nke ili ife, n’Ịla ife, n’Ịla ụla, n’igwu egwu aga m ‘edolu arụ anị n’achọ fa k’ọg’esi adị Chukwu mma.

551.     Gụa Inye-ekene tupu olili ife?

            Gọzie anyị n’onyinye Ị nụnwaga, O Osebulụwa, anyị jeko g’anata n’afọma Ị site na Kristi Eze anyị, amen.

 

552.     Gụa Inye-ekene nk’elisie ife?

            Anyị enye Ị ekene, o Chukwu, onye pụlụ ime ife nine mak’ife nine Ị n’emel’anyị, onye dị ndụ, n’achị ụwa ebebe, amen.

            Ka mkpụlobi ndị kwelunu gal’aga si n’ebele nke Chukwu wee zul’ike na ndokwa”.

553.     Ked’ife Ị ga n’emedu ma ife nlanye nunyebe Ị nanjọ?

            Ife m’g eme ma ife nlanye nunyebe m na njọ bụ eme m akal’obe n’obi m ọfụma sị osebulụwa zọpụta m omezi n’efurum.

554.     Ọ bụlụ n’ịdaba na njọ ked’ife ị g’eme?

            Ife m’g’eme ma m’daba na njọ bụ, ewelum obi ume-ani wee yọ Chukwu mgbaghalụ siten’omume nk’ime’ebele emesịa ejem nkwuputa.

555.     Kedu k’ị g’esi g’ejedebe ụbọsị?

            Ka m g’esi g’ejedebe ụbọsị bụ site n’ isekpulu anị yọ ayịyọ nk’anyasị m.