MAK’IFE GANARA NWOKE N’OKPORO ỊNỤ DI

522.     Ndị chọlụnụ ka fa nụlụ di dịka etu Chukwu n’ụka si doo fa g’anụlụ onye ọbụna asọna fa ka?

            Mba, o nwelu ndị fa m’an’anụ.

523.     One ndị bụ ndị afụ fa mananụ?

            Fa bụ ụmụ-nna, ụmụ-nne, fa amanụta onwe fa wee lue na ndụdụgandụ nk’ịnọ.

524.     Onye Otu-Chukwu g’ekuchi nwunye nna ya ka?

            Mba, ọ m’ekuchikwo ya.

525.     Onye Otu-Chukwu g’ekuchi nwunye nwanne ya ka?

            Mba, ọ m’ekuchikwo ya.

526.     Nna na Baptism g’anụkwọlị nwa ya na Baptism?

            Mba, ọ m’anụkw’ya belụsọ m’ọ natalụ ike siten’aka nk’ụka.

527.     Onye Otu-Chukwu g’anụkwọlị onye Ọ baptisịlị?

            Mba, ọ m’anukw’ya belụsọ m’ọ natalụ ike siten’aka nk’ụka.

528.     Ụka n’ekwenyekwo n’anụmdi nk’onye Catholic n’onye Protestant?

            E ye, Nzụkọ n’ekwenye oge ụfọdụ siten’inye ike ma ife g’akpata ya g’esikwọ ike, ọ dịazị na’mbe.

529.     Ụka n’ekwenyekwo n’anụmdi nk’onye Catholic n’onye nk’ụwa?

            E ye, ụka n’ekwenye ụfọdụ m’ọ bịa na nkpa.

530.     Kedu iwu dịlị ndị nwelu ife g’anara fa n’anụmdi?

            Fa g’akọlụ Ụkọ-Chukwu fa ọdachi ya, ọ bụlụ n’ụka enye fa ike, fa nụba, m’onyezị fa, fa ghalụ.

531.     Ked’ife achọlụ n’aka ndị jeko g’anụ onwe fa tupu ụka abịa nye fa ike ịnụnụ?

            Ọ dị ụzọ nnukwu ife nabọ achọlụ n’aka fa; nke mbụ bụ n’onye nke nabụrọ Catholic am’anarakwọ onye Catholic ịlụ ọlụ dịlị ya na Nzụkọ ya; nk’ịbụa bụ, n’ag’abatisi ụmụ fa, zunit’azị fa na Nzụkọ Catholic.

532.     Ked’ife achọkwazịlị n’aka ndị jeko g’anụ di?

            If’ọzọ achọkwazịlị n’aka fa bụ; na fa g’elugodu ogo, weluazị obi wee kwenye n’anụmdi, ghalụ ịtụ egwu n’ilafu onwe fa.

533.     O nw’azịlị if’ọzọ achọlụ n’aka ndị g’anụ di?

            Eye, fa g’ekwelu na fa g’abụ di na nwunye na ndụ fa nine.

534.     Ọ bụ njọ m’ọ bụlụ n’onye fụ ife lụlụ alụ n’etiti ndị g’anụdi, zobe, ghalụ ịgwa ndị Ụkọ-Chukwu?

            E ye, onye-afụ melu nnukwu njọ, makana ụka kwulu n’onye fuụụnụ, zobe m’ya ekwuputarọ, ag’asụpụ ya.

535.     Maka gịnị k’Ụkọ-Chukwu ji akpọ afa ndị g’anụ di n’ụka?

            Ọ bụ ka ndị Otu-Chukwu yọlụ fa ayịyọ’meazị ka ndi Ụkọ-Chukwu malụ ife g’anara anụmdi fa.